Spurt og svarað

Hér getur þú nálgast svör við almennum og algengum spurningum er viðkoma fjármögnun ökutækja og umsýslu þeirra

Ætlar þú út með Norrænu út í heim?

Óheimilt er að flytja bifreiðar eða önnur tæki úr landi sem Lýsing er skráður eigandi að eða eru veðsett Lýsingu án samþykkis félagsins.

Ekki er nóg að viðkomandi sé skráður umráðamaður bifreiðar. Við viljum því góðfúslega benda viðskiptavinum okkar á að hafa samband við okkur í tíma og óska eftir skriflegu leyfi ef ferðinni er heitið með Norrænu eða öðru skipafélagi svo ekki þurfi til þess að koma að viðskiptavinir okkar verði stoppaðir við skipshlið.

Leyfi er einungis veitt fyrir takmarkaðan tíma í senn. Slíkt leyfi getur verið háð því að frekari tryggingar fyrir samningi/láni séu veittar, svo sem bankaábyrgð eða tryggu veði að mati Lýsingar hf.

Get ég farið með ökutækið erlendis?

Það er hægt að ákveðnum skilyrðum uppfylltum og skriflegu leyfi frá Lýsingu.

Reglur og skilyrði Lýsingar

Hvað á að gera ef bifreið sem er á samning/láni hjá Lýsingu lendir í tjóni?

Tilkynna þarf öll tjón til Lýsingar hf. í síma 540-1540 sem og til viðkomandi tryggingafélags.

Skylda til að framvísa skilríkjum - Duty to present identifications

Samkvæmt lögum um aðgerðir gegn peningaþvætti og fjármögnun hryðjuverka nr. 64/2006 viljum við benda viðskiptavinum okkar á að hafa löggild skilríki meðferðis þegar átt er í viðskiptum við Lýsingu hf.

Löggild skilríki eru einungis:

Ökuskírteini

Nafnskírteini

Vegabréf

Erlendir ríkisborgar þurfa ávallt að hafa meðferðis vegabréf. Foreign citizens must always show passports as proof of identity

Með hvaða hætti reiknast greiðslur samnings/láns?

Bílasamningar/bílalán Lýsingar/Lykils eru eftirá-greidd, sem þýðir að afborgun og vextir reiknast eftir á fyrir hvert tímabil.

Dæmi: Greiðsla á gjalddaga 05.02.14 er að reikna afborgun og vexti fyrir tímabilið 05.01.14-04.02.14, þ.e. viðskiptavinur greiðir fyrir ákveðið tímabil eftir að því lýkur.

Hvernig get ég fengið stöðu á samningi/láni mínu?

Viðskiptavinir geta nálgast stöðu samninga/lána með því að hafa samband við þjónustuver Lýsingar í síma 540-1540.

Vakin er athygli á því að þann 1. janúar 2013 tók Lýsing upp notkun öryggisnúmera, en sótt er um þau á þjónustuvef Lýsingar, www.lysing.is.

Upplýsingar um stöðu samninga/lána eru ekki gefnar upp símleiðis nema gegn framvísun öryggisnúmers.

Hvaða staða er á greiðsluseðlunum?

Staða samnings/láns sem birtist á greiðsluseðlum til viðskiptavina er uppreiknaðar eftirstöðvar miðað við útgáfudag greiðsluseðils.

Dæmi: Þann 24.01.14 er útgáfudagur á greiðsluseðlum vegna gjalddaga 05.02.14, eftirstöðvar á greiðsluseðli miðast því við útgáfudaginn 24.01.14.

Eftirstöðvar á greiðsluseðli eru eingöngu ætlaðar til upplýsinga um stöðu samnings/láns á útgáfudegi greiðsluseðils. Ef viðskiptavinur hefur hug á að greiða upp samning/lán, þarf að hafa samband við þjónustuver Lýsingar.

Get ég hætt að fá greiðsluseðlana senda heim til mín?

Ef samningur/lán er skráður/skráð í beingreiðslu þá greiðir viðskiptavinur lægra greiðslugjald auk þess sem greiðsluseðlar eru ekki sendir til hans.

Þú getur skráð samning/lán í beingreiðslu með því að hafa samband við þinn viðskiptabanka og óskað eftir að samningur/lán verði skráður/skráð í beingreiðslu. Einnig er hægt að skrá samning/lán í beingreiðslu í heimabanka þínum.

Hvar get ég séð áramótastöðu fyrir skattaskýrsluna?

Áramótayfirlit eru aðgengileg inná þjónustuvef Lýsingar/Lykils.

Get ég skilað bílnum til Lýsingar?

Leigutaka er ekki heimilt að skila inn leigumunum til Lýsingar sbr. 22. gr. bílasamnings.

Ef leigutaki stefnir í greiðsluþrot, vinsamlega hafið samband við lögmenn innheimtusviðs, innheimta@lysing.is

Hvað er verðtrygging?

Verðtrygging er trygging fyrir því að tiltekin greiðsla í framtíðinni haldi kaupmætti sínum frá þeim degi sem verðtryggður samningur er gerður. Höfuðstóll verðtryggðra lána og samninga breytist mánaðarlega eftir því sem breytingar verða á vístölunni (verðbólgu). Það sem kemur til greiðslu á samningum/lánum með verðtryggingu er afborgun, vextir og hluti verðbóta. Verðtrygging samninga og lána Lýsingar/Lykils miðast við vísitölu neysluverðs og breytist út frá þeirri grunnvísitölu sem tilgreind er á samningi/láni. Vísitala neysluverðs hækkar til samræmis við verðlag (verðbólgu) í landinu.

Sem dæmi má nefna að ef verðtryggt lán að upphæð einni milljón er tekið í dag til fimm ára og verðbólga reynist vera 10% á tímabilinu þá þarf sá sem tók lánið að endurgreiða 1,1 milljón króna. Ekki er tekið tillit til greiðslu vaxta í þessu dæmi.