Nú liggur fyrir niðurstaða samstarfshóps SFF, umboðsmanns skuldara, neytendastofu og talsmanns neytenda á greiningu á áhrifum dóms Hæstaréttar nr. 600/2011. Í stuttu máli telja aðilar nauðsynlegt að fá skýrari leiðbeiningar frá Hæstarétti um hvaða tilvik falli undir undantekninguna um fullnaðarkvittun og hvernig haga skuli endurútreikningi.

Leituðu samstarfsaðilar til fjögurra lögmanna til að greina álitaefni og hafa þeir nú skilað samantekt sem sjá má hér.

Eru aðilar sammála um að nauðsynlegt sé að hraða dómsmálum um ágreiningsefni sem kostur er og er vonast til að dómar Hæstaréttar í fyrstu málum geti legið fyrir í haust.

Sjá nánar umfjöllun umboðsmanns skuldara um málið hér.

Lýsing hefur unnið að því undanfarnar vikur að meta möguleg áhrif dóms nr. 600/2011 í samræmi við tilmæli fjármálaeftirlitisins dags. 01.03.2012. Sú vinna hefur tekið lengri tíma en reiknað var með. Félagið telur rétt að seinka útgáfu greiðsluseðla á meðan þetta mat fer fram, en stefnt er að útgáfu þeirra fljótlega.  Viðskiptavinir eru beðnir velvirðingar á þeim óþægindum sem þessi töf kann að valda.

Stefnt er að útgáfu greiðsluseðla áður endurreiknaðra samninga vegna apríl og maí gjalddaga í byrjun maí mánaðar.  Viðskiptavinir eru beðnir velvirðingar á  þessari töf.

Töf verður á útsendingu greiðsluseðla vegna apríl gjalddaga endurreiknaðra samninga.  Gefinn verður 10 daga eindagi frá útgáfudegi greiðsluseðils.   Viðskiptavinir eru beðnir um að fylgjast með frekari upplýsingum hér á vef félagsins.

Lýsing hf. vill vekja athygli viðskiptavina sinna á því að  óheimilt er að flytja bifreiðar úr landi, sem Lýsing  er skráður eigandi að eða eru veðsettar Lýsingu án samþykkis félagsins.  Ekki er nóg að viðkomandi sé skráður umráðamaður bifreiðar. Við viljum því góðfúslega benda viðskiptavinum á að hafa sambandi við okkur í tíma og óska eftir skriflegu leyfi ef ferðinni er heitið með Norrænu eða öðru skipafélagi svo ekki þurfi til þess að koma að viðskiptavinir okkar verði stoppaðir við skipshlið.
Leyfi er einungis veitt fyrir takmarkaðan tíma í senn. Slíkt leyfi getur verið háð því að frekari tryggingar fyrir samningi séu veittar, svo sem bankaábyrgð eða tryggu veði að mati Lýsingar hf.
Reglur og skilyrði Lýsingar

Í kjölfar fyrri dóma og lagasetningar endurreiknaði Lýsing gengistryggða samninga félagsins í samræmi við þá aðferðarfræði sem þar var mælt fyrir um.

Þann 15. febrúar sl. féll dómur í Hæstarétti er varðaði endurreiknað húsnæðislán (mál nr. 600/2011). Niðurstaða þess dóms var að í ljósi atvika málsins, m.a. lengd lánsins sem var 30 ár, hlutfalls viðbótarkröfu af upphaflegum höfuðstóli lánsins og að skuldarar lánsins höfðu ávallt staðið í fullum skilum með greiðslur af láninu, væri rétt að víkja frá meginreglu kröfuréttar um rétt kröfuhafa á fullri greiðslu. Voru skilyrði svokallaðra fullnaðarkvittana talin vera fyrir hendi og að það stæði fjármálafyrirtækinu nær að bera viðbótarkröfu vegna vaxtamunar á greiddum og endurreiknuðum vöxtum.

Frá því að fyrrgreindur dómur féll hafa fjármálafyrirtæki og stjórnvöld unnið að því að meta fordæmisgildi dómsins, þ.e. til hvaða lána hann tekur, hvaða máli skipti hafi skuldari ekki greitt alla gjalddaga lánsins, hvaða þýðingu önnur matskennd atriðið hafa í hverju tilviki og hvaða afleiðingar það geti haft fyrir einstök lán eða lánategundir. Þeirri vinnu er langt í frá lokið, enda gefur dómurinn litlar leiðbeiningar í þessum efnum. Jafnframt er ljóst að endanleg niðurstaða mun ekki fást fyrr en Hæstiréttur hefur skorið úr fleiri álitaefnum.

Til þess að hraða framangreindri vinnu og til að gæta jafnræðis milli viðskiptavina ólíkra fjármálafyrirtækja, hafa Samtök fjármálafyrirtækja fengið leyfi Samkeppniseftirlits til að eiga samstarf við hagsmunaaðila um viðbrögð við dómnum, m.a. varðandi frekari dómsmál.

Ljóst er að Lýsing getur ekki, að svo komnu máli, svarað því hvort fullnaðarkvittanir vegna gjalddaga einstakra samninga séu til staðar, eða hvernig eigi að taka tillit til þeirra í endurútreikningi. Vegna þeirrar óvissu hefur Lýsing ákveðið að stöðva innheimtuaðgerðir tímabundið vegna endurreiknaðra samninga, nema í undantekningartilvikum.

Félagið mun kappkosta að leggja sitt af mörkum við að leysa sem allra fyrst úr þessari óvissu og mun upplýsa viðskiptavini jafnóðum um gang mála.

Lýsing mun að óbreyttu senda viðskiptavinum greiðsluseðla vegna endurreiknaðra samninga.  Unnið er að því meta áhrif dóms Hæstaréttar nr. 600/2011 og verða viðskiptavinir upplýstir síðar hvort og þá hvaða áhrif Lýsing telur dóminn hafa á endurreiknaða samninga félagsins.

Dags. 16.2.2012

Lýsing vinnur að því að skoða niðurstöðu dómsins og hvort og þá hvaða fordæmisgildi hann getur haft fyrir samninga félagsins. Við biðjum viðskiptavini um að sýna biðlund á meðan málið er í skoðun og nánari upplýsingar verða birtar síðar.